當平時成日只係識得取笑我嘅麥仔
都正經地講人話講正面積極說話時
我就知道今次大件事了。
話說今日滿心歡喜又懶醒咁自己9整新口味
整咗個焙茶巴斯克芝士蛋糕
焗完出嚟個面好靚，有啲開心就想拎出嚟攤下
點知我都唔知發生咩事，下一秒我個蛋糕四散地上。
我用咗幾分鐘思考我仲可唔可以繼續食⋯
然後好崩潰地喺度執屎同抹地。
一路抹我個心一路震，欲哭無淚是這種。
然後我send咗張相畀麥仔，諗住恥笑下自己
而佢居然，竟然地覆我啲好正面積極嘅說話
反而殺我一個措手不及。
我預期嘅回覆係：「你玩屎？」「搞咩」呢類
佢咁正能量反而我好唔慣㖭。
但我好崩潰係真的。
短期內要退出烘焙界，唔想再整蛋糕
都唔再整麵包住，因為我好似搓麵包搓到雙手都勞損。
麵包女士要暫別包壇啦，無咩我去喊下先。
/
想助養我嘅文字寫作，可以去Patreon：
https://www.patreon.com/hkgirlfriend
IG：@hkgirlfriend
FB：港女友
Search